Entrevista en La Voz de Galicia a Adrian Valverde: "Quero estar no podio do nacional"

Valverde Galicia

O deportista do Rías Baixas considera que chega nun gran momento ao Campeonato de España

Vigo / La Voz, 07 de enero de 2016. Actualizado a las 05:00 h.

 

Adrián Valverde (Baiona, 1994) conta as horas que restan para competir no Campeonato de España de ciclocrós de seleccións que se desputa dende mañá en Torrelavega. O ciclista do Rías Baixas acode co obxectivo de facerse un sitio no podio, despois de proclamarse campión da Copa Galicia.

-¿O obxectivo irrenunciable é estar no podio do nacional?

-Quero entrar no podio de Sub-23 e tentareino, porque gañar é moi complicado. O outro corredor que seguramente gañe é o que se impuxo prácticamente todas as carreiras da Copa de España, así que o meu reto é estar no podio. Entrar entre os cinco primeiros tamén sería un bo resultado.

-¿Como foron as súas anteriores participacións?

-En ciclocrós participei noutros dous campionatos e non me foi mal. O meu primeiro ano quedei de 13 en Sub-23 e o segundo ano fun sétimo. Fun mellorando, e a ver se este ano, por fin, chega o podio.

-¿Chega a Torrelavega nun bo momento?

-Agora mesmo atópome moi, moi ben de sensacións e de pernas. No Campionato Galego o meu rival foi moito máis forte e por iso me gañou, pero de sensacións fun ben. O ano pasado atopárame un pouco máis fatigado nestas últimas carreiras, mentres que agora estou máis fresco, así que a ver se as sensacións se traducen no podio.

-¿O circuito xoga ao seu favor ou na súa contra?

-É un circuito totalmente plano que se vai facer moi rápido. Se está chovendo pódese facer moi duro, senón, hai que estar pedaleando constantemente, non hai zonas técnicas nas que respirar, é de ritmo constante, e a min eses circuitos vanme ben. Así que vexo boas opcións.

-Vén de proclamarse campión da Copa Galicia. ¿Que valoración fai ata o de agora da tempada?

-Considero que boa. Cando comecei sufrín unha fractura de escafoides que non me permitiu correr máis carreiras en España e pensei que iso me perxudicaría, pero ao final veume ata ben. Estiven parado un mes e grazas a iso cheguei nun moi bo momento á Copa de España de ciclocrós, na que acabei terceiro Sub-23. En Galicia tamén estou moi contento co meu rendemento, estaba tamén quedando entre os tres primeiros da xeral e con dúas vitorias xerais, en O Rosal e Viveiro, e gañando o absoluto da Copa Galicia. No Campionato Galego fun quinto na xeral, foi unha das peores carreiras que tiven a pesar de que o dei todo. 

-¿Considera que este ano deu un paso adiante en canto a rendemento?

-Xa non este ano, senón tamén o ano pasado. Notei este gran paso gracias a Óscar García, o meu adestrador. Con el mellorei moitísimo, aprendín a traballar o físico, pero sobre todo a afrontar as carreiras mentalmente. Axudoume a saber lelas e foi neste tempo cando me desarrollei como ciclista.

-¿Vai animarse por fin a practicar estrada?

-Os seguintes obxectivos serán xa probas de mountain bike, practicarei estrada só para adestrar.

Fuente: http://www.lavozdegalicia.es/noticia/vigo/2016/01/06/quero-estar-podio-do-nacional/00031452111877773361633.htm

 

Catálogo

REPUESTOScoches24.es

Patrocinadores

  • image
  • SSCAR Carbon
  • image
  • Deputación de pontevedra
  • image
  • image
  • image
  • Integra2
  • image
  • image
  • image
  • Concello de Nigran
  • Baiona
  • Aguas de Mondariz
  • Agua Sana
  • Michelin
  • image
  • Fechi
  • Digoin
  • image
Previous Next

Deporte y salud

Nueva sección